Accès direct au contenu

Recherche avancée

Université Toulouse - Jean Jaurès


Aprene lo francés e l’occitan a l’UT2J

Aprenètz lo francés a l’UT2J

L’ensenhament prepausat pel Departament d’Ensenhament del Francés Lenga Estrangièira (DEFLE) es destinats als candidats titularis d’un diplòma estrangièr que dona l’accès a l’universitat dins son país (diplòma de licèu + un supòrt s’es necessari dins vòstre país).

Aqueles corses son prepausats pendent 26 setmanas long de l’annada universitària (400 oras per an).

(Nòta: las plaças son limitadas – las plaças son pas acordadas en foncion de la data de recepcion)

La preinscripcion es obligatòria per cada dintrada.

- Depaus dels documents necessaris : abans març
- Responsas mandadas als candidats : aprèp abrial
- Tèstes d’evaluacion linguistica dels candidats:  debuta de setembre
- Inscripcions : tota debuta de setembre (prètz : a l’entorn de 380 euros a l’exclusion de l’assegurança)
- Datas del començament dels corses : mièg setembre

Lo document de pre-inscripcion serà disponible sul siti del DUEFL.

Per mai d’informacions mercé de contactar lo Burèu del DUEFL.

 


Aprenètz l’occitan a l’UT2J

L’occitan es ensenhat al dintre del Departament de Letras modèrnas, Cinèma e Occitan de l’UFR de Letras, Filosofia e Musica.

Los corses de lenga son prepausats pendent 26 setmanas long de l’annada universitària (400 oras per an).

Pas de pre-inscripcion pels ensenhaments d’occitan

  • Informacions : Secretariat d’occitan  (departament Letras modèrnas, Cinèma e Occitan, UFR Letras, Filosofia e Musica) - Maria-França BARGE - burèu 256 - tel: +33 (0)5 61 50 47 16
  • Inscripcions : tota debuta de setembre 2013  
  • Datas de començament dels corses : 23 de setembre 2013

La lenga occitana

La lenga occitana es parlada dins lo Miègjorn de França, dels Alps als Pirenèus, de Lemosin e d’Alvèrnha als Pirenèus e a la Mediterranèa. Es una lenga romanica, eissida del latin, coma lo francés, lo castelhan, lo catalan (que n’es fòrça pròcha), l’italian, lo romanés… Dempuèi lo sègle XI, l’occitan es l’instrument d’una creacion literària e d’una vida populara ininterrompudas. Malgrat una transmission sociala qu’es ara fòrça compromesa, aquela lenga demòra una compausanta màger de la cultura e de las practicas lengatgièiras dins la part mai granda del Miègjorn de França.


L
a formacion en lenga e cultura occitanas a l’Universitat de Tolosa - Jean Jaurès
  • aprendissatge o perfeccionament de la lenga occitana orala e escricha
  • estudi de la lenga per ela meteissa e dins sas relacions amb las autras lengas romanicas (linguistica),
  • descobèrta de las riquesas medievalas (trobadors), modèrnas (lo « barròc occitan ») e contemporanèas, d’una granda literatura europèa (Mistral, Joan Bodon, Max Roqueta, Bernat Manciet…),
  • istòria e civilizacion occitanas.
  • D’aqueles corses n’i a que son disponibles per correspondéncia alprèp del Servici d’Ensenhament a Distància (SED).
  • D’autres son meses en linha sus la plataforma informatica IRIS.

Los estudis d’occitan s’adreiçan als començaires coma als que ja an d’aquesits, a d’especialistas coma a d’estudiants de las autras disciplinas.

Una formacion en occitan constituís un atots per un projècte professional : mestièrs de l’ensenhament (concors de Professor de las escòlas bilinguas francés/occitan (CRPE bi), CAPES d'occitan-lenga-d'òc), mas tanben mestièrs de la cultura, del torisme, de la comunicacion. L’occitan es tanen util dins de nombroses domenis d’ensenhament o de recerca: istòria, geografia, etnologia; musica...