Accès direct au contenu

Recherche avancée

Université Toulouse - Jean Jaurès






Chifras principalas

  • 23,000 estudiants
  • 4,000 estudiants estrangièrs
  • 150 nacionalitats
  • 180 diplòmas
  • 18 bibliotècas
  • 1,173 ensenhaires



Benvenguda a l’UTM !

L’universitat de Tolosa foguèt fondada en 1229, e ten una longa tradicion d’estudis de letras e d’umanitats. L’UTM prepausa de diplòmas dins una granda varietat de disciplinas, de la licéncia al doctorat.

Lo nòstre campus màger es a Tolosa, dins lo quartièr del Miralh, a 15 minutas de centre amb lo mètro. L’Universitat a tanben qualques autres campus mens grands dins nòu vilas de Miègjorn Pirenèus, e mai d’autres campus dins lo mond entièr.

L’implicacion dels estudiants, dels ensenhaires e dels personals tanplan coma lo nòstre naut nivèl d’exigéncia educativa an fach de l’Universitat de Tolosa II–Lo Miralh una de las melhoras universitats de França e un establiment universitari de primièr plan per la recerca e l’ensenhament.
Nòstra Universitat es renomenada per la qualitat de sa recerca e de son ensenhament dins los camps seguents :
 

  • Arts
  • Literatura
  • Lengas
  • Umanitats
  • Sciéncias Socialas
  • Tecnologia
  • Santat
  • Gestion


L’UTM prepausa tanben de programas per formar los professors de collègis e licèus.

Lo departament de Francés lenga estrangièira (DEFLE Département d’Etude du Français Langue Étrangère) ofrís de corses pels qu’an pas lo francés coma lenga mairala, per tal que melhoren son mestreg de la lenga francesa.


Lo departament de Letras modèrnas e occitan ofrís de corses d’occitan a totes los nivèls que permeton de començar d’aprene la lenga o de se melhorar, en occitan central (lengadocian) o en gascon.


Per una informacion detalhada suls estudis a l’UTM

Per una tièira dels partenaris del programa Erasmus e de nòstra Universitat Internacionala

O sabiatz ?

  • L’Universitat de Tolosa 2 se ditz « lo Miralh » coma un « miralh », çò que conven ben a la dimension “especulativa” (lat. speculum ‘miralh’) del trabalh universitari. Totun lo toponim “Lo Miralh” (Le Miralh dins lo parlar de Tolosa…) fa mai probablament referéncia a una torre de gacha o a un sit d’observacion coma plan de Montmiralhs en toponimia.

  • Tolosa es estada classada primièira per la qualitat de la vida estudianta pel magazina « L’Etudiant », qu’establís cada an un classament de las vilas universitàrias.

Contact

International and European Relations Office
Université Toulouse II-Le Mirail
5 allées Antonio Machado
31058 Toulouse Cedex 9
France
Tél. +33 (0)5 61 50 3646/4599
Fax +33 (0)5 61 50 3520
rintutm@univ-tlse2.fr